Ek was ongeveer 11 jaar oud toe ek skielik besef dat ek nie kan sien wat die onderwyser op die bord skryf nie. Alles was vaag en onduidelik en ek moes voor in die klas gaan sit om te kan sien. Nie net kon ek nie sien wat die onderwyser geskryf het nie, maar selfs my vriende se gesigte het vervaag. Die verandering van sien na nie sien nie was geleidelik en het nie met 'n knal gebeur nie. Maar die besef dat ek nie kon sien nie, het my met 'n knal getref. Ek was vreesbevange! En as kind was ek die meester van katastrofiese denke. Het ek blind geword? Hoe gaan ek voortgaan met die lewe en my drome bereik as ek nie duidelik kan sien nie?
Gelukkig het ek toegang tot moderne medisyne gehad, en met my hart wat klop asof dit uit my bors wil spring, het my ouers my na 'n oogkundige geneem. En skielik kon ek weer duidelik sien. Die antwoord was 'n bril. En dit is 'n heel nuwe verhaal, want dit was lank voordat Harry Potter 'n bril vir kinders mode gemaak het - dit was 'n tyd toe meisies wat 'n bril dra nie aandag van die teenoorgestelde geslag gekry het nie ...
Hier is ons aan die begin van nie net 'n nuwe jaar nie, maar ook 'n nuwe dekade. 2020 leen hom om so baie te wees. In my gedagtes is dit 'n geleentheid om na die oogkundige van die lewe te gaan.
Soos ons ouer word, raak ons so besig met die daaglikse lewe dat ons geneig is om te vergeet om in ons persoonlike gesondheidsontwikkeling te belê. Ouderdom en swakker gesondheid sluip skelm nader soos ‘n dief in die nag en gebeur nie altyd met 'n knal nie. En soms is dit skrikwekkend as swak gesondheid jou verhinder om jou doelwitte te bereik. Hou in gedagte dat jy nie jou doelwite kan bereik as jy nie jy jouself en jou vermoëns ontwikkel nie. Deur in jou gesondheid te belê het jy meer lewenskrag na liggaam en gees. Een van my missies op hierdie stadium van my lewe is om mense te help om die basiese tema van gesonde leefwyse te verstaan - en ja, daar is 'n formule vir 'n gesonde lewe. So oor die volgende paar weke gaan ek begin om die formule vir 'n gesonde lewe met jou te deel.
Om jou lewe te verander, begin met baba treetjies. Dit is moeilik om alles in jou lewe tegelyk te verander.
Die keuses wat elkeen van ons maak, is altyd ondergeskik aan die keuses wat ons beskikking is. Kennis maak ons keuses meer. Selfs as jy gesonder wil eet, moet jy jou kennis verbeter van watter kosse die beste vir jou is. As jy weet wat jy wil verbeter of ontwikkelwat jou gesondheid betref, het jy riglyne nodig waarop jy moet konsentreer. Dit help ook om jou gesondheidsdoelwitte te kategoriseer op grond van wat vir jou belangrik is.
Jou doelwitte kan hierdie jaar meer gefokus wees op jou persoonlike lewe en geluk. ‘n Verandering aan jou lewenstyl kan beteken dat jy die vaardighede moet verbeter of ontwikkel wat jy nodig het om lewenslange sukses te behaal.
As jy nadink oor waarop jy hierdie nuwe jaar wil fokus, oorweeg die volgende areas wat jou sal help vir lewenstyl wat ‘n gesonde lewe ondersteun:
Vermeerder fisieke aktiwiteit
Dieetpatrone - hou van die kos wat vir jou lief is
Moenie Rook nie
Slaap genoeg
Verminder stres
Liefde - Versterk persoonlike verhoudings
Glo dat jy genoeg is
Dit is nooit te laat om leefstyl as medisyne te gebruik nie, maar hoe vroeër, hoe beter, want die grootste geleentheid om gesondheid met leefstylpraktyke te verbeter, is terwyl jou gesondheid nog goed is. Anders is dit 'n bietjie soos om Hompie Kedompie weer aanmekaar te prober flans. In die moderne tyd kan medisyne ongelooflike dinge doen, maar ons kan nie 'n roereier weer heel maak nie.
Jy kan gesonder leef. Jy kan sê: “Ek gaan gesond eet eet, ongeag wat. Ek gaan aktief wees, maak nie saak wat nie. Ek sal genoeg slaap kry, ongeag wat. Ek gaan die versoekings van gifstowwe soos tabak en oortollige alkohol vermy. Ek gaan myself nie laat stes nie, en ek sal onthou om elke dag iemand te koester wat ek liefhet.” Jy kan dit doen. Leefstyl medisyne is ook 'n gesinsplan. Dit is medisyne wat kan jy deel met jou geliefdes.
Mag dit die jaar wees wat jy sê: "Ja, ek wil hierdie vaardighede hê, en ek is bereid om daarin te belê en die tyd te neem wat ek nodig het om dit te leer."
Ons by Zenzile Life gaan saam met jou op hierdie reis deur jou lewensoptometriste te wees en jou instrumente te gee om helderheid in die lewe en goeie gesondheid te hê. Ons glo dit is 'n lewensbelangrike vaardigheid om jou gesondheid ‘n prioriteit te maak, want dit sal jou en die mense waaarvoor jy lief is elke dag terugbetaal, want almal sal daarby baat vind. Dit sal nie net jare tot jou lewe toevoeg nie, maar ook lewe in jou jare.
Ons wens vir jou by Zenzile Life is jou welkom te heet en te ondersteun tot 'n lewe van duidelike visie en gesondheid in 2020, asook die dekade wat voorlê!
Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As u dink dat u onmiddelike hulp nodig het, kontak asseblief u plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.