“Woede” is die tweede van die vyf fases van rou wat deur Elisabeth Kubler Ross & David Kessler geskep is. Dit is die eerste keer in enige stadium van die rouproses waar jy jou emosies uitdruk en die verlies erken.
Maar 'woede' kan baie dinge beteken en dit manifesteer op verskillende maniere. Kom ons kyk wat jy kan verwag as jy die woede -fase betree.
Hoekom woede?
As jy eintlik hartseer voel weens die verlies, hoekom neig dit dan om as woede te verskyn?
Dit kom alles daarop neer dat ons ons ware emosies en hartseer probeer wegsteek vir ander mense en die buitewêreld.
Dink daaraan, jy gaan deur 'n moeilike tyd en is in die algemeen oorweldig deur emosies. Terselfdertyd is jy kwaad oor jou verlies en wil jy net iemand of iets blameer vir jou pyn en lyding.
Om jou woede teen spesifieke mense te rig, kan onregverdig wees, maar dit sal waarskynlik die eerste manier wees wat jy gebruik om die verlies te probeer hanteer.
Wat om te verwag
Jy kan miskien kwaad wees vir omtrent alles en almal. Dit is baie algemeen om 'n bietjie snaaks en kortaf met mense te wees, selfs al bedoel hul dit goed en probeer hul om ‘n helpende hand te gee. Dit is ook algemeen om soms “op hul af te gaan”.
Hier is 'n kort lys van die moontlike bronne vir jou woede.
- Woede teenoor dokters of verpleegkundiges vir die diagnose en behandeling (of gebrek daaraan) van jou geliefde
- Woede teenoor jouself omdat jy nie genoeg tyd met jou geliefde spandeer het toe hulle nog gesond en / of lewendig was nie
- Woede teenoor jou geliefdes omdat hul nie jou emosies verstaan nie, of hoe jy deur die verlies geraak word nie
- Woede teenoor ‘n maat of eggenote vir die verbreking/verlating van ‘n verhouding
- Woede teenoor die onregverdigheid van die wêreld en gevoelens dat slegte dinge net met jou gebeur
Alhoewel jy weet dat jou woede nie rasioneel is nie, voel dit geregverdig op daardie oomblik. Die belangrikste ding wat jy kan doen is om ander te laat weet dat jy sukkel met jou emosies en dat jy nie bedoel om hul seer te maak nie.
Om deur die woede te kom
Daar is geen goeie maniere om die rouproses te bespoedig nie, maar daar is enkele maniere waarop jy die uitwerking wat jou emosies op die mense rondom jou het, kan beperk. Dit is veral belangrik as jy bewus word dat jy mense seermaak wat dit nie verdien nie.
Neem eers tyd vir jouself en laat jouself toe om die verlies te verwerk. Gee jouself ruimte om eers jou gedagtes en emosies alleen te hanteer voordat jy begin oopmaak vir diegene rondom jou.
Soek goeie hanteringstrategieë. Dit is glad nie okay om jou woede teenoor ander mense uit te haal nie, so vind 'n gesonder manier om jou woede te kan hanteer. Intensiewe oefening kan jou help om stoom af te blaas of tyd in die natuur kan jou ook help om meer ontspanne te voel. Wees kreatief of skryf daaroor.
Die doel is nie net om die woede weg te steek nie, maar om eerder 'n beter manier te kry om dit uit te laat.
Finale gedagtes
Woede is 'n onvermydelike fase van rou en hartseer (eintlik die grootste deel daarvan), maar dit beteken nie dat dit jou verhouding met mense rondom jou moet vernietig nie.
Neem jou tyd om jou emosies te voel, te erken, en te beleef, maar verstaan dat jou impulsiewe woede niks in hierdie situasie sal oplos nie. Doen jou bes om gesonder hanteringstrategie te vind om te verhoed dat jy ander mense seermaak in die proses.
Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As jy dink dat jy onmiddelike hulp nodig het, kontak asseblief jou plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.