Alhoewel ons almal op verskillende en unieke maniere hartseer ervaar, word die rouproses gewoonlik in vyf hooffases verdeel. Die rouproses is in 1969 die eerste keer beskryf deur Elisabeth Kubler Ross. Dit stel mense in staat om hulle emosies en gevoelens te verstaan terwyl hulle deur oorweldigende onstandighede gaan.
Hierdie fases onstaan op verskillende maniere ontstaan en verskil van persoon tot persoon en in enige volgorde voorkom. Voordat ons die fases bespreek, is dit belangrik om te verstaan dat almal vir verskillende tydperke treur en dat die proses nie in klip geskryf is nie.
Wat is onderhandeling dan?
Die derde fase van die rouproses staan bekend as die onderhandelingsfase. As jy 'n vorm van verlies ervaar, voel dit vir jou asof jy dit moontlik is om iets te kan doen om die situasie te verander of om van die pyn ontslae te raak. Jy hoop om die uitkoms van die situasie te verander en dinge weer te laat wees soos dit was en in die proses is jy bereid om enigiets te verloor.
As jy verlore en onseker voel, begin die onderhandelingsfase en probeer jy om iets aan 'n Hoër mag te belowe of afsmeek. Hierdie stadium is uniek aan verskillende mense, want dit hang nou saam met geestelike- en godsdienstige waardes. Hierdie fase gebeur omdat jy hopeloos voel en die situasie wil beïnvloed en beheer.
Onderhandelinge met 'n Hoër mag
Onderhandeling behels gewoonlik die een of ander vorm van berou of selfrefleksie wat dan verander in 'n belofte vir die toekoms as die situasie omgekeer word. Jy kan byvoorbeeld 'n belofte aan God maak dat as die uitkoms op een of ander manier verander of as jou pyn verdwyn, jy nooit weer op 'n sekere manier sal optree of iemand sal kwaad maak nie.
Nog 'n voorbeeld is om te belowe om jou toekoms te verander deur jouself te verbeter as die persoon in jou lewe genees word van alles wat hulle deurgaan. Onderhandeling is 'n baie algemene vorm van rou omdat ons maklik na 'n Hoër mag soek as ons opsies min is of ons oorweldig word. Ons hoop dat ons, deur ‘n sterker band met hierdie Hoër mag te bou en onsself bewys, ons nie meer deur die pyn hoef te gaan nie.
Wat-as en sê-nou-maar verklarings
Tesame met onderhandlinge met 'n Hoër mag in die hoop om jou situasie te verander, is dit ook die stadium waar jy aanhoudend vrae vra en nadink oor die tye saam met die persoon of oor die tye waarin dinge anders was. Jy sal miskien probeer om maniere te kry om die situasie te beheer of om te keer, of wonder of jy 'n beter persoon kon wees.
Skuldgevoelens loop hand aan hand met onderhandeling. Jy bevraagteken die verlede aanhoudend en is op soek na maniere waarop dinge anders kon wees in 'n poging om die tye vas te hou toe alles meer normaal was. Dit is 'n vorm van onderhandeling wat baie gereeld voorkom gedurende die rouproses omdat jy vol onsekerheid is en in 'n skok verkeer.
Hoe om die onderhandelingsfase te oorkom
Dit is belangrik om te verstaan dat onderhandeling 'n onvermydelike deel van die rouproses is, veral vir diegene wat diep godsdienstig is met nou bande met 'n Hoër mag of een of ander vorm van godsdiens. Jy voel miskien dat as jy 'n sekere aspek van jou lewe verander, of as dinge anders kon wees, die situasie omgekeer sou kon word. Dit is egter belangrik om op die hede te fokus en die situasie te hanteer, eerder as om op situasies uit die verlede te konsentreer. Deur te fokus op die toekoms, sal jy uiteindelik die verlede en spyt oor dinge wat buite jou beheer is, laat vaar.
Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As jy dink dat jy onmiddelike hulp nodig het, kontak asseblief jou plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.