Ongeveer die helfte van huwelike in Amerika eindig op in egskeidings. Die statistieke is baie dieselfde vir Suid-Afrika, met vier uit tien huwelike wat voor hul tiende herdenking op egskeidings eindig. Die meeste mense verstaan die risiko's wat die huwelik inhou, maar niemand trou met die verwagting van egskeiding nie. Egskeiding is een van die mees spanningsvolle situasies wat iemand kan deurmaak. Die hantering van 'n egskeiding is nie maklik nie. Dit verg geduld en uithouvermoë. Daar is geen kortpaaie nie.
Dit beteken nie dat daar vir die proses om 'n egskeiding te oorkom 'n dekade nodig is nie. Hoe lank dit neem, hang grootliks van jou af. Daar is 'n pad uit jou huidige pyn. Tyd is 'n belangrike deel van daardie pad.
Hierdie wenke sal jou help om aan te gaan na jou egskeiding:
- Gee jouself tyd voordat jy weer begin uitgaan. Hoeveel tyd jy benodig is 'n individuele besluit. Maar daar is geen haas nie. As jy begin uitgaan voordat jy gereed is, skep jy nie net ekstra uitdagings vir jouself nie, maar dink ook aan jou metgesel! Miskien kry hulle meer as waarvoor hulle hulle ingelaat het. Neem die tyd wat jy nodig het om te genees.
- Neem die geleentheid om jou lewe oor te doen. Dit is miskien die perfekte tyd om by 'n gimnasium aan te sluit, 'n nuwe stokperdjie te begin of te reis. As jy getroud is, moet jy voldoen aan die behoeftes en wense van 'n ander persoon. Jy kan jouself meer in ag neem vir 'n verandering.
- Wat wil jy aan jouself en jou lewe verander?
- Leer uit jou egskeiding. Wat het verkeerd gegaan? Wat het jy geleer? Wat was die goeie en slegte eienskappe van jou maat? Watter tipe persoon sou jy glo sou die beste pas by jou wees? Watter foute het jy op die pad gemaak?
- 'n Egskeiding is pynlik, maar 'n wonderlike leer geleentheid. Jy kan baie meer vertroue hê in jou volgende verhouding as jy gebruik wat jy leer.
- Vergewe. Jy kan nie regtig aangaan voordat jy jou eks-maat vergewe het nie. Dit kan tyd neem. Maar jy is nooit regtig vry totdat jy kan vergewe nie.
- Kry die ondersteuning wat jy benodig. Dit kan die vorm aanneem van 'n vriend of familielid. Daar is ook ondersteunings groepe vir pas geskeide persone. Vermy die fout om alleen deur jou genesingsproses te probeer gaan.
- Handhaaf jou daaglikse roetines. Dit beteken om voort te gaan om te bad, tande te borsel, ensovoorts. Hou aan om gesonde maaltye te eet. Gaan slaap op jou normale tyd. Hou jou normale sosiale uitstappies. Dit is maklik om in 'n groef te val en toe te laat dat die kwaliteit van jou lewe agteruitgaan. Sommige dinge sal verander, maar baie dinge kan dieselfde bly.
- Vermy om jou situasie erger te maak. Dit is nie die tyd om te veel te eet, te veel te drink of dwelms te begin gebruik nie. 'n Terugval (rebound) verhouding word ook nie aanbeveel nie. Kry jou voete weer op die grond en vermy alles wat jou uitdagende omstandighede moeiliker kan maak.
- Kom uit die huis uit. Nie net kan jy jou vorige sosiale skedule hou nie, jy kan ook daarby byvoeg. Sluit aan by 'n joga-klas of 'n gholfliga. Skep iets nuuts wat jy saam met ander kan geniet. Jy sal geen oplossings vind terwyl jy op die bank sit en by die venster uitstaar nie.
- Deel jou gevoelens met 'n geskeide vriend/in. Dit is belangrik om met iemand te praat wat dieselfde ervaring gehad het. Vertrou op iemand wat suksesvol deur hulle egskeiding gewerk het.
Egskeiding is stresvol en ontstellend. Daar is jaarliks byna 900,000 egskeidings in die Verenigde State. In 2016 is daar in Suid-Afrika 25 326 egskeidings toegestaan. Dit is volgens 'n onlangse verslag van Statistieke Suid-Afrika oor huwelike en egskeidings.
Jy is beslis nie alleen nie. Gee jouself tyd om te rou en te genees. Mettertyd kan jou lewe selfs beter wees as voorheen. Gebruik hierdie geleentheid om jouself en jou lewe weer oor uit te vind.
Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As u dink dat u onmiddelike hulp nodig het, kontak asseblief u plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.