Return to site

Erf jy jou geestelike taaiheid?

Dr Elizma van der Smit. April 2018

· Verstand,Lewensvaardighede

Jy mag dalk wonder of geestelike taaiheid 'n oorgeërfde eienskap is? Is dit iets waarmee jy gebore word of kan geestelike taaiheid deur iemand ontwikkel word? Die goeie nuus is dat almal hul verstandelike taaiheid kan verbeter as hulle bereid is om aksie te neem.

Miskien dink jy dat dit nie moontlik is nie. Jy sien oral mense wat lyk asof hul alles kry wat hul wil hê. 'n Vriend kry ‘n goeie werksgeleentheid, of hy word gekies vir 'n spesiale span. Jy hoop dalk vir dieselfde, maar niks gebeur nie!

Daar is eintlik 'n goeie rede hiervoor en dit het te make met jou geestelike taaiheid. Hoe sou jy jou houding en die vlak van jou passie teenoor jou doelwit beskryf? Wil jy iets meer as enigiets anders hê, of is dit net 'n wens?

As jy werklik passievol oor iets is, verander jou ingesteldheid outomaties. Jy het die dryf en motivering om ekstra in te sit. Jy is die een wat later bly, of vroegtydig verskyn om ekstra tyd in te kry.

Het jy al ooit opgemerk dat sommige mense wat nie soveel talent vir iets het nie, uiters suksesvol raak? Dit is omdat hulle die nodige passie en deursettingsvermoë het om hul doel te kan bereik.

Geestelike taaiheid is 'n faktor wat diegene wat goed is, skei van diegene wat beter is. Dit is so 'n groot faktor dat dit eintlik die talent oorskry. 'n Talentvolle musikant mag dalk nie so ver vorder as 'n musikant met slegs gemiddelde musikale vaardighede nie. Dit is omdat die gemiddelde musikant veel meer geestelike taaiheid het.

Daar is sekere eienskappe wat deur mense met geestelike taaiheid vertoon word.

Dit sluit in:

• Motivering

• Positiewe ingesteldheid

•Selfbeheer

• Goed om druk te hanteer

• Om energiek te wees

Dit is die tipe mense wat maklik van rigting kan verander. As dinge nie volgens plan gaan nie, is hulle nie teleurgesteld nie. Hulle gaan eenvoudig saam met die vloei, verander die rigting en pas aan.

Dus, as jy 'n doel of 'n droom het wat jy wil bereik, moet jy begin om planne te maak en op te tree sodat jy dit wel kan bereik. Maak 'n plan en laat niks in jou pad staan nie. Wees buigsaam en gereed om enige tyd te reageer of aan te pas.

Wanneer jy hierdie dinge kan doen, is jy goed onderweg om te wys dat jy beskik oor wat nodig is om jou doelwitte en drome te kan bereik.

Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As u dink dat u onmiddelike hulp nodig het, kontak asseblief u plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly

Hierdie blog plasing is slegs vir inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op spesifieke vrae of kommentaar oor persoonlike situasies, toepaslike diagnose of behandeling nie, of andersins enige kliniese opinies verskaf nie. As u dink dat u onmiddellike hulp benodig, skakel u plaaslike dokter / sielkundige of psigiater of die SADAG Geestesgesondheidslyn by 011 234 4837. Indien nodig, skakel asseblief die Selfmoordkrisislyn by 0800 567 567 of sms 31393.