As jy my vra wat die EEN ding is wat jy kan doen om die vinnigste by gesonder leef te uit te kom ... sonder om vas te val of by ongesonde gewoontes te bly, sou dit die volgende wees:
In die proses om nuwe gewoontes te vorm wat jou persoonlike gesondheid en welstand ondersteun en laat groei, is dit belangrik om te verstaan waar jy in hierdie proses is en waar jy werk nodig het om te verander. Dan kan jy besluit of jy moet fokus op interne, eksterne of albei maniere om jouself te bemagtig om gesonder te leef, want die skep van nuwe gewoontes wanneer jy nie verstaan waar jy vandaan kom nie, is altyd 'n slegte idee.
• Begin om eerlik met jouself te wees
• Evalueer jou huidige situasie
• Dan is dit tyd vir ‘n plan
Wees eerlik met jouself
Dit is die belangrikste. Vind uit waarom jy sukkel om gesonde gewoontes te kweek. Begin met 'n oudit van jou mees onlangse gesondheidsgedrag.
Dit verg ‘n bietjie tyd, want vir ‘n paar minute moet jy net op jouself fokus om jouself die volgende af te vra:
• Wanneer was my mees onlangse geleentheid om 'n besluit oor my gesondheid te neem?
• Het ek gesondheidsbesluite geneem deur die feite wat tot my beskikking is en deur my persoonlike vaardighede te gebruik?
• Het ek op iemand anders staatgemaak om die besluit vir my te neem?
• Wanneer laas het ek tyd geneem vir persoonlike sorg of oefening?
• Vra ek vir hulp wanneer ek dit nodig het?
• Het ek 'n roetine waarop ek kan staatmaak?
Hierdie is baie eenvoudige vrae om jouself af te vra, en dit is 'n vinnige assessering. Hierdie stap van 'n inventaris te neem van jou mees onlangse aksies, is een wat jy kan leer om te doen en gereeld te herhaal. Dit sal jou help om jou toekomstige gedrag te verfyn en om sodoende voortdurend jou persoonlike gesonde gewoontes laat groei en ontwikkel.
Evalueer jou huidige situasie
• Stem jou aand en more praatjies ooreen? Doen jy self wat jy vir ander sê om te doen as hulle jou raad vra?
• Hoe aangewese is jy op ander mense vir jou gesondheid?
• Hoe gereeld betuig jy dankbaarheid?
• Hoe gereeld oefen jy?
• Wanneer jy voor 'n situasie te staan kom wat jou welstand beïnvloed, hoe gereeld fokus jy op die probleem?
• Hoe gereeld fokus jy dan op die volgende stap om te werk aan ‘n oplossing?
• Wat is jou langtermyn gesondheidsdoelwitte?
• Wanneer jy eet, is jou keuses gesond of gerieflik?
• Hoeveel keer in die onlangse verlede, of in jou verlede in die algemeen, het jy jouself of iemand anders uit 'n doelwit gepraat wat 'n impak op gesondheid of welstand het?
• Behandel jy jou liggaam asof dit 'n heilige tempel is, of 'n vervangbare produk?
Neem 'n paar oomblikke vir selfrefleksie en beantwoord elke vraag eerlik. Elkeen van die komponente in die vrae hierbo is nie net maatstawwe van jou persoonlike welstand nie. Dit is eksterne en interne komponente van wat jy voel, sowel as na buite na mense rondom jou projekteer. Vind uit wat ander mense oor jou dink in verband met sommige van hierdie vrae deur hulle te vra.
Gebruik die antwoorde wat jy gegee het, of die antwoorde wat ander vir jou gegee het, om jou bestaande sterkpunte te ken, om te bepaal waar jy tekort skiet, die punt mis, of andersins net 'n bietjie meer moet ontwikkel.
Persoonlike gesondheid en welstand kan vergelyk word met 'n ridder se swaard. Dit is jou persoonlike wapen om jouself te verdedig. Dit is 'n maatstaf waaraan ons almal ons eiewaarde weeg. Dit is 'n lewensvaardigheid wat mettertyd ontwikkel en gereeld opgeskerp moet word, maar ook gereeld in stand gehou moet word.
Wat jy ook al kies as jou eerste welstandsdoelwit om te verower, neem konsekwent klein treetjies daarheen om dit te bereik. Waarom klein treetjies? Want klein treetjies is 'n bewese manier vir jou om sukses te behaal, en is nie so oorweldigend dat jy opgee sonder om ooit regtig aan die gang te kom nie.
Klein treetjies help jou ook om positiewe gewoontes, roetines en skedules te bou wat die kern van welstand en gesondheid is.
Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As jy dink dat jy onmiddelike hulp nodig het, kontak asseblief jou plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.