Return to site

Hoe weet ek ‘n vriendskap is giftig vir my?

12 Tekens dat 'n vriendskap toksies is

 

Dr Elizma van der Smit Desember 2017

· Verhoudings

Terwyl die meeste van ons vriende daar is vir ons deur dik en dun, het ons almal egter al met die giftige vriend/in te doen gekry.

 

Maar hoe weet jy of jy nie dalk in 'n giftige vriendskap is wat jou gesondheid beïnvloed en jou gees doodmaak nie?

 

12 Tekens dat 'n vriendskap toksies is

 

  • Sy laat jou negatief voel oor jouself - jy voel erger nadat jy kontak met haar gehad het.
  • Sy verwag dat jy alles vir haar sal los, maar sy sal nie dieselfde vir jou doen nie.
  • Jy sien op daarna om haar te sien, en jy voel gedreineer nadat jy haar ontmoet het. Om 'n vriend te sien moet vir ons 'n positiewe ervaring wees.
  • Daar is 'n wanbalans in gesels tyd- alles vir die vriend, niks vir jou nie. Sy sal jou vertel hoe haar dag was, maar as jy begin vertel, moet sy iewers heengaan en verkas sonder om na jou of jou bekommernisse en vreugdes te luister.
  • Sy vertel jou dat jy moet verander. Sy sal selfs neerhalende opmerkings maak oor jou tekortkominge, soos byvoorbeeld: "Jy weet, jy is net te “needy”." Dit gaan alles oor wat met jou verkeerd is, maar sy hoef nie haar eie tekortkominge te erken nie.
  • Jy voel dat jy meesal op eiers moet loop rondom haar, en dat jy baie versigtig moet wees om nie ‘n verkeerde ding te sê wat haar dalk kan ontstel nie.
·      Sy benodig jou vir absoluut alles en kan niks sonder jou doen nie! 'n Vriend wat te veel van jou afhanklik is, mors kosbare tyd en put jou uit. ·      Sommige toksiese vriende se buie wissel baie, soms is hul fantastiese vriende en soms bitter onaangename mense. Hierdie emosionele “rollercoaster” eis sy tol en maak jou angstig en depressief wanneer jy nie weet wat om te verwag nie. ·      Jy kan nie goeie nuus met haar deel nie. As jy huiwerig is om haar te vertel van 'n nuwe kêrel of bevordering, ens., moet jy jou eie geluk wegsteek aangesien jou vriendin jaloers, mededingend of negatief is wanneer jy sukses ervaar. ·      Probeer jou vriendin jou dalk oorreed om iets sleg te doen? Miskien druk sy jou om koek te eet wanneer jy op 'n dieet is, of sal drankies ingooi wanneer jy probeer om nie te drink nie. Ware vriende sal dit nie doen nie. ·      Sy is gedurig laat, kanselleer of maak verskonings om nie ‘n afspraak na te kom nie, of sy sal selfs jul planne heeltemal te vergeet. Goeie vriende is betroubaar en konsekwent. ·      Sy is voortdurend negatief en is geneig om oor alles en almal te kla en te skinder.   Onthou dat ons nie ons familie kan kies nie, maar ons vriende wel. "As jy in 'n verhouding bly slegs uit jammerte of skuldgevoelens, is dit nie 'n goeie ding vir enige party nie," sê Andrea Syrtash, skrywer van Hy's Just Not Your Type. "Almal van ons verdien om in verhoudings te wees met mense wat ons positief beïnvloed en opgewonde is om tyd saam met ons te spandeer."   Die meeste vriendskappe is nie bedoel om vir ewig te hou nie. Baie vriendskappe dien 'n doel, en sodra daardie doel verval, verval die vriendskap ook. Om vriendskappe te beëindig wat nie in jou beste belang is nie, is een van die beste dinge wat jy ooit vir jouself kan doen. Dit is nie selfsugtig nie - dit is gesond! (Kali Rogers).

 

 

 

 

 

 

 

Hierdie blog plasing is slegs vir inligting. Dit moet nie as terapie beskou word nie. Hierdie  blog is slegs vir inligting en opvoedkundige doeleindes en moet nie as terapie of enige vorm van  behandeling beskou word nie. Ons kan nie reageer op spesifieke vrae of kommentaar oor  persoonlike situasies, toepaslike diagnose of behandeling nie, of andersins enige kliniese opinies  verskaf nie. As u dink dat u onmiddellike hulp benodig, skakel u plaaslike dokter / sielkundige of  psigiater of die SADAG Geestesgesondheidslyn by 011 234 4837. Indien nodig, skakel asseblief die Selfmoordkrisislyn by 0800 567 567 of sms 31393.
All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly

Hierdie blog plasing is slegs vir inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op spesifieke vrae of kommentaar oor persoonlike situasies, toepaslike diagnose of behandeling nie, of andersins enige kliniese opinies verskaf nie. As u dink dat u onmiddellike hulp benodig, skakel u plaaslike dokter / sielkundige of psigiater of die SADAG Geestesgesondheidslyn by 011 234 4837. Indien nodig, skakel asseblief die Selfmoordkrisislyn by 0800 567 567 of sms 31393.