Soms kan ons té krities op onsself wees nadat ons foute gemaak het, en ons vergeet dikwels dat foute 'n bepalende faktor van die algehele menslike ervaring is. Van die waardevolste lesse in die lewe word uit foute geleer.
Persoonlike foute op die kort termyn veroorsaak pyn, maar op die lang termyn gee die pyn jou 'n herinnering van wat om nie te doen nie. Dit is voordelig om op laasgenoemde te fokus eerder as om op die negatiewe te fikseer.
Om jouself te boelie elke keer as jy fouteer, is ‘n slegte gewoonte wat jou selfbeeld regtig knou. Die meeste mense is nie eers bewus daarvan dat hulle dit aan hulself doen nie, aangesien hulle gewoond geraak het aan selfvernietigende patrone. Volgens sielkundiges is die etikettering van jouself op grond van 'n enkele fout katastrofies, en dit is so erg soos of selfs erger as enige ander manier van selfsabotasie.
Waardevolle tegnieke om katastrofering te voorkom
Hieronder is 'n lys van tegnieke om foute in waarde-georiënteerde selfrefleksie-ervarings te verander:
Leer om jouself te aanvaar
As jy werklik voel dat jy die potensiaal gehad het om 'n sekere situasie beter of selfs anders te hanteer, is dit 'n aanduiding dat jy jou foute erken. Dit is meer as wat ons kan sê vir die meeste arrogante mense wat dikwels eiegeregtig is in hul optrede. Om jou fout te erken, beteken dat jy daaruit kan leer.
Om te kies om nie die slagoffer van dieselfde foute te word nie, is 'n teken van selfontwikkeling wat jou 'n beter mens maak as wat jy voorheen was. Dit laat jou goed voel oor jouself om die situasie te aanvaar en te laat verbygaan. Om jouself te boelie is niks anders as selfveroordeling nie, wat jou selfontwikkeling beperk.
Leer om in die oomblik te leef
Die verlede is reeds in ink geskryf, jy kan net jou stempel afdruk in die huidige tyd. Die lewe het bewys dat mense wel hul lewens kan omdraai. Vervulde mense staan dikwels uit hul eie as op en trotseer alle geleenthede.
Om in die oomblik te lewe, beteken dat jy aan jou huidige situasie werk, anders as om jouself te kruisig oor 'n fout in die verlede en om jou hele bestaan te definieer op een gebeurtenis in jou lewe -iets wat duidelik onlogies is.
Fokus op persoonlike prestasies
As die gedagte van mislukking binnedring, probeer jy om na te dink oor 'n prestasie wat jy reeds in die lewe behaal het, ongeag die omvang daarvan. Dit maak dinge gelyk en laat jou in 'n beter bui. Om jouself hoog te hou, plaas jou op 'n pad vir groter dinge en mislukkings wat op die pad ervaar word, is niks meer as klein hobbels op pad na sukses nie.
Die dankbaarheids-roetine
Om elke oggend op te staan, is die mees uitdagende fase vir mense wat tob oor hul bestaan. Om jou dag in 'n slegte bui te begin, sal jou minder doeltreffend in jou daaglikse roetines maak. Om dit te voorkom, eerste ding wanneer jy wakker word, skryf 'n minimum van 5 dinge neer waarvoor jy dankbaar is in jou lewe. Hoe meer jy skryf, hoe meer beter voel jy oor jouself.
Hou die geselskap van positiewe mense
Mense met 'n positiewe gesindheid in die lewe motiveer ander om beter te vaar. Positiewe mense is ook geneig om meer oor hul eie ervarings in die lewe te deel en uiteindelik 'n betroubare ondersteuningstelsel vir jou te wees.
Daar is niks wat jy kan doen om die verlede te verander nie, maar jy kan altyd voortgaan met jou kop omhoog met die wete dat jy uit jou foute geleer het.
Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As jy dink dat jy onmiddelike hulp nodig het, kontak asseblief jou plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.