Ons almal leef in 'n wêreld van doen, nie in 'n wêreld van wees nie. Om bewus te leef klink dalk nie so belangrik nie.
Dit mag dalk voorkom asof daar genoeg voordele is om nie in die oomblik te wees nie. Ek moet erken dat dit lekker is om komplimente te kry as 'n produktiewe multi-tasker. Om vir volgende naweek te beplan beplanning voel immers soos nuttige gebruik van jou tyd. Dit is natuurlik belangrik om jou te-doen lys te hersien. Al jou te-doen lysies het 'n doel en hou jou op die regte spoor. Natuurlik moet ons beplan, maar dit lyk asof beplanning deesdae ons lewens gekaap het en ons vind dit moeilik om enigsins anders te funksioneer.
Dit veroorsaak dat ons meer tyd aan die verlede en die toekoms bestee as die hede.
Aanwesigheid + Aanvaarding = Bewustheid
Ek onthou dat ek as kind dat grootmense vir my gesê het dat ek moet kalmeer, nie kwaad word nie, en selfs nie huil nie. Ek wil jou daaraan herinner dat bewustheid nie jou emosies as goed of sleg klassifiseer nie; daar is eenvoudig net hierdie oomblik. As jy met bewustheid leef, leer jy jouself om bewus te wees van hierdie oomblik sonder om die oomblik te probeer verander. (Dit is die moeite werd om dit te herhaal: Bewustheid is bewus wees van hierdie oomblik sonder om die oomblik te probeer verander.) Dit beteken nie dat as iets in jou lewe moet verander om gesonder of gelukkiger te wees, jy dit nie moet aanspreek nie. Maar verandering kan net plaasvind as jy die probleem duidelik kan sien. Dit is ook net in hierdie oomblik dat verandering kan plaasvind. Die vermoë om bewustelik te leef beteken dat jy tegnieke ontwikkel om te voel en te wees, sonder om te oordeel en bloot net te reageer op situasies. En wanneer jy begin bewus raak van wanbelans in jou lewe en onbewuste gewoontes begin identifiseer, raak dit moontlik om nuwe gewoontes te kweek vir ‘n gesonder, meer gebalanseerde lewe.
‘n Mens kan maklik die fout maak om te dink dat om bewus te leef beteken dat jy stresvry en ontspanne is. En ja, om in die oomblik te wees laat jou kalmer en meer ontspanne voel. Om rustig en ontspanne te wees, kan 'n deel wees van bewustheid. Maar om bewustheid te beoefen beteken nie kalm en emosieloos nie. Bewustheid is om bewus te wees van wat is en eerlik daana te kyk.
Dit beteken nie dat daar 'n enkele ding van hierdie oomblik hoef te verander nie. Vir hierdie oomblik, die tyd wat dit neem om een keer diep in en uit asem te haal, is jy goed genoeg.
Probeer dit.
Net 'n enkele diep asemteug. Nou dadelik.
Asem heeltemal uit… uit… uit… uit….
Met die volgende asemteug, haal deur jou neus asem. In en uit. Let op na alles wat gebeur en wat jy voel terwyl jy inasem. Fokus waar lug in jou lyf inkom. Is die lug koel? Is dit warm? Asem heeltemal in.
Asem heeltemal uit. Sien jy hoe beweeg jou bors en ribbes? Kyk wat gebeur met jou maag.
Asem nou twee keer diep in en uit. Stadig. Voel hoe jou longe vul met suurstof tot heel bo.
Asem in . . . Asem uit . . . 1
Asem in . . . Asem uit . . . 2
Fokus op jou volgende asemteug van die oomblik dat die lug jou neus ingaan. Kyk wat gebeur. Let op of die lug koel of warm is. Kan jy voel hoe die lug in jou longe in beweeg? Asem stadig uit.
Haal nou net gewoonweg asem. Let op hoe jy voel.
Hierdie oomblik is net nou.
Terwyl jy asem haal skuif jou fokus na die hede, na die nou, hierdie oomblik. Om bewus te wees is nie moelik of melodramaties nie, maar dit het 'n verreikende invloed op jou lewe. Behalwe om ontspanne en geestelike helder te wees, laat jou asem jou outomaties op die oomblik fokus, want die enigste asemteug wat jy haal, is die een op hierdie oomblik.
Jy gaan vandag ongeveer 20 000 keer in- en uitasem. Aangesien jy altyd asemhaal, is dit maklik om dit as vanselfsprekend te aanvaar. Solank jy nie van hardloop uitasem is nie of aan iets verstik nie, sal jy waarskynlik nie eers daaraan dink dat jy asemhaal nie. Asemhaal hou jou lewendig. Maar dit kan jou ook help om kalm en ontspanne te laat voel ongeag van wat gebeur. Dit is eerlikwaar die vinnigste manier om minder angstig te voel. Asemhaling beïnvloed hoe jy voel. Ons het almal een of ander tyd gehoor dat ons moet 'diep asem haal' as ons ontsteld is. Dit is algemeen bekend dat as jy op jou asem fokus, dit jou help om te kalmeer en duideliker te kommunikeer. Jou asem is altyd daar om ‘n anker te wees vir hierdie oomblik. As jy stadig en diep asemhaal, maak jy dadelik jou hele asemhalingstelsel gesonder. Dit is regtig so eenvoudig: deur diep en stadig asem te haal vind suurstofuitruiling volledig plaas. Die vinnigste manier om van angstig na kalm te beweeg is om diep in en uit asem te haal. Deur jou asemhaling te verander kan jy skuif van bloot reaktief wees na meer ontvanklik wees. Stadiger, dieper asemhaling is gelyk aan 'n rustiger perspektief.
Hierdie verband tussen ons asemhaling en ons gemoedstoestand werk na beide kante. As ons asemhaling vlak of onreëlmatig is, kan ons senuagtig en ongemaklik voel. Baie mense haal onbewustelik vlak asem al is hulle nie gespanne nie. Hulle gebruik slegs die boonste deel van hulle longe om asem te haal. Om so vlak asem te haal kan 'n gewoonte word wat jou gesondheid, fiksheid, optimale prestasie en gemoedstoestand benadeel.
Om bewus asem te haal vir ‘n leefwyse is 'n gewoonte wat jy stadig ontwikkel. Om myself te sentreer het dit 'n gewoonte geword om diep asem te haal elke keer as ek by 'n deur instap. Ek wil jou aanmoedig om vandag 'n paar keer diep asem te haal, al is dit net vir 'n paar oomblikke. Jy sal verbaas wees hoe dit jou laat voel. Vir elke minuut wat jy in jou dag bewustheid beoefen, vul jy 'n reservoir met innerlike vrede wat jou kan help deur die tye wanneer jy robotagtig leef.
Van Zenzile Life wens ek jou ‘n gesonde, bewuste week met tyd vir asemhaal.
Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As u dink dat u onmiddelike hulp nodig het, kontak asseblief u plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.