Return to site

Reg eet vir 'n gesonde verstand

Dr Henriette Smith Oktober 2017

· Verstand,Liggaam

Dink daaroor. Jou brein is altyd "aan." Dit sorg vir jou gedagtes en bewegings, jou asemhaling en hartklop, jou sintuie — dit werk hard 24/7, selfs terwyl jy slaap. Dit beteken jou brein vereis 'n konstante toevoer van brandstof. Die "brandstof" kom uit die kos wat jy eet — en wat in daardie brandstof is maak al die verskil. Eenvoudig gestel, wat jy eet het ‘n direkte invloed op die struktuur en funksie van jou brein en, uiteindelik, jou bui.

Soos 'n duur motor, funksioneer jou brein die beste wanneer dit slegs die beste brandstof kry. Voed die brein met hoë-gehalte voedsel wat baie vitamiene, minerale en antioksidante bevat en beskerm dit so teen oksidatiewe stres — die "afval" (vrye radikale) wat geproduseer word wanneer die liggaam suurstof gebruik , wat selle kan beskadig.

Ongelukkig, net soos 'n duur motor, kan jou brein beskadig word as jy enigiets anders as die beste brandstof inneem. As stowwe uit "lae-premie" brandstof (soos wat jy kry uit verwerkte of verfynde kosse) na die brein gaan, het dit min vermoë om ontslae te raak van hulle. Diëte hoog in verfynde suikers, byvoorbeeld, is skadelik vir die brein. Benewens dat dit jou liggaam se regulering van insulien versleg bevorder hulle ook inflammasie en oksidatiewe stres. Verskeie studies het gevind dat daar 'n korrelasie tussen 'n dieet hoog in verfynde suikers en belemmerde brein funksie is — en selfs 'n verergering van simptome van gemoedsversteurings, soos depressie.

Dit maak sin. As jou brein ontneem word van goeie-kwaliteit voeding, of daar vrye radikale of skadelike inflammatoriese selle is wat sirkuleer binne die brein se ingeslote ruimte, dra dit verder by tot brein weefsel besering en gevolge kan verwag word. Wat wel interessant is, is dat vir baie jare, die mediese veld nie ten volle die verband tussen bui en kos erken het nie.

Deesdae, gelukkig, is daar die ontluikende gebied van voedingswaarde psigiatrie, wat vind dat daar talle gevolge en verwantskappe is tussen nie net wat jy eet, hoe jy voel, en hoe jy uiteindelik optree nie, maar ook die soorte bakterieë wat in jou dermkanaal leef.

Hoe die kos wat jy eet beïnvloed hoe jy voel

Serotonien is 'n neurotransmitter wat slaap en eetlus help reguleer, gemoed bemiddel, en pyn inhibeer. Aangesien ongeveer 95% van jou serotonien in jou spysverteringskanaal geproduseer word, en jou spysverteringskanaal gevoer is met 'n honderd miljoen senuweeselle of neurone, maak dit sin dat die binnewerking van jou spysverteringstelsel nie net help om kos verteer nie, maar ook jou emosies beïnvloed. Wat meer is, die funksie van hierdie neurone — en die produksie van neurotransmitters soos serotonien — is hoogs beïnvloedbaar deur die miljarde van "goeie" bakterieë wat jou derm mikrobioom opmaak. Hierdie bakterieë speel 'n noodsaaklike rol in jou gesondheid. Hulle beskerm die voering van jou ingewande en verseker dat hulle 'n sterk versperring teen gifstowwe en "slegte" bakterieë verskaf; hulle beperk inflammasie; hulle verbeter hoe goed jy voedingstowwe absorbeer uit jou kos; en hulle aktiveer neurale bane wat direk tussen die ingewande en die brein reis.

Studies het getoon dat wanneer mense probiotika (aanvullings wat die goeie bakterieë bevat) neem, hul angsvlakke, persepsie van stres, en geestelike uitkyk verbeter, in vergelyking met mense wat nie probiotika neem nie. Ander studies het "tradisionele" diëte, soos die Mediterreense dieët en die tradisionele Japannese dieët, vergelyk met 'n tipiese "Western" dieët en het getoon dat die risiko van depressie 25% tot 35% laer is in diegene wat 'n tradisionele dieët eet. Wetenskaplikes reken hierdie verskil is omdat hierdie tradisionele diëte geneig is om hoog in groente, vrugte, onverwerkte graan, en vis en seekos, te wees en slegs geringe hoeveelhede van maer vleis en suiwelprodukte bevat. Hulle het ook min verwerkte en verfynde kosse en suikers, wat die basis van die "Westerse" dieët patroon vorm. Daarbenewens, baie van hierdie onverwerkte kosse is gegis en tree dus op as natuurlike probiotika. Fermentasie gebruik bakterieë en gis om suiker in kos te omskep na’ koolstofdioksied, alkohol en melksuur. Dit word gebruik om kos teen bederf te beskerm en 'n aangename smaak en tekstuur by te voeg.

Dit klink dalk ongeloofwaardig vir jou, maar die opvatting dat goeie bakterieë nie net beïnvloed wat jou ingewande verteer en absorbeer nie, maar dat hulle ook ‘n invloed het op die graad van inflammasie regdeur jou liggaam, sowel as jou bui en energie vlak, word al hoe meer gewild onder navorsers. Die resultate tot dusver is baie goed.

Wat beteken dit vir jou?

Begin aandag gee aan hoe verskillende kosse wat jy eet jou laat voel — nie net op die oomblik nie, maar ook die volgende dag. Probeer 'n "skoon" dieët vir twee tot drie weke eet — dit beteken dat jy alle verwerkte voedsel en suiker uitsny. Voeg gefermenteerde voedsel soos kimchi, miso, suurkool, piekels, of kombucha by. Jy kan dalk ook ‘n suiwel-vrye dieet wil probeer — en sommige mense voel selfs dat hulle beter voel wanneer hul diëte graan-vry is. Sien hoe jy voel. Sit dan geleidelik voedsel terug in jou dieet, een vir een, en kyk hoe jy voel.

Wanneer my pasiënte "skoon gaan," kan hulle nie glo hoeveel beter hulle voel nie, beide fisies en emosioneel, en hoeveel erger hulle dan voel wanneer hulle die kosse wat inflammasie bevorder weer eet nie. Probeer dit gerus!

Ware voedsels om te eet:

  1. Vetterige vis (omega-3 vetsure)
  2. Volgraan (lae GI)
  3. Maer protein(vitamin B12)
  4. Blaarryke groentes(folaat)
  5. Gefermenteerde voedsel (jogurt, kefir, tempeh, gepekelde groente)
  6. Bloubessies(anthocyanins)
  7. Tamaties(lycopene)
  8. Swartbessies (vitamien C)
  9. Pampoen sade(sink)
  10. Broccoli(glucosinolates,selenium)
  11. Salie(AChE inhibeerder)
  12. Okkerneute (vitamien E, selenium)

Aanvullings

Sommige aanvullings kan help met geestesgesondheid, maar dis steeds verkieslik om dit deur regte, onverwerkte kos in te neem.

Goeie getuienis vir:

  • Omega 3 vetsure
  • L-triptofaan
  • S-adenosyl methionine(SAMe)
  • Metielfolaat
  • Vitamien D
  • Beperkte bewyse vir:
  • Cholien
  • Yster
  • Sink
  • Magnesium
  • Aminosure
  • Kosse om te vermy:
  • Gemorskos
  • Soet drankies
  • Kunsmatige versoeters
  • Verfynde, verwerkte voedsel
  • Oormatige hoeveelhede kaffeïen
  • Hoë vet suiwelprodukte
Hierdie blog plasing is slegs vir inligting. Dit moet nie as terapie beskou word nie. Hierdie  blog is slegs vir inligting en opvoedkundige doeleindes en moet nie as terapie of enige vorm van  behandeling beskou word nie. Ons kan nie reageer op spesifieke vrae of kommentaar oor  persoonlike situasies, toepaslike diagnose of behandeling nie, of andersins enige kliniese opinies  verskaf nie. As u dink dat u onmiddellike hulp benodig, skakel u plaaslike dokter / sielkundige of  psigiater of die SADAG Geestesgesondheidslyn by 011 234 4837. Indien nodig, skakel asseblief die Selfmoordkrisislyn by 0800 567 567 of sms 31393.
All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly

Hierdie blog plasing is slegs vir inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op spesifieke vrae of kommentaar oor persoonlike situasies, toepaslike diagnose of behandeling nie, of andersins enige kliniese opinies verskaf nie. As u dink dat u onmiddellike hulp benodig, skakel u plaaslike dokter / sielkundige of psigiater of die SADAG Geestesgesondheidslyn by 011 234 4837. Indien nodig, skakel asseblief die Selfmoordkrisislyn by 0800 567 567 of sms 31393.