Die pyn van verlies voel soms oorweldigend en stresvol, veral in moeilike tye soos hierdie waar dit voel asof almal in die een of ander vorm treur. Dit is maklik om jou eie gevoelens te onderdruk en ongeldig te maak as jy dit vergelyk met die swaarkry van ander mense, maar dit is belangrik om na jou eie gevoelens te luister en te besef waarom jy so voel. Dit is baie belangrik om rou op 'n gesonde manier te verwerk, sodat jy jou emosionele- en geestesgesondheid kan beskerm.
Daar is baie maniere om jouself emosioneel, sosiaal en geestelik te ondersteun. Hieronder is 'n paar tegnieke om dit kan te doen.
Erkenning van rou
Om te besef dat jy tydens hierdie uitdagende tye verliese ervaar, is een van die eerste weë tot herstel en ondersteuning vir jouself. In plaas daarvan om jou verlies met iemand anders sin te vergelyk, is dit belangrik om te besef dat jy jou emosies om ‘n rede voel.
As jy jou eie emosies laat ophoop en ongeldig laat voel omdat jy dit vergelyk met wat iemand anders deurmaak, sal jou trauma en rou net voortduur. Dit sal aanhou totdat jy in staat is om jou emosies te ondersoek en die rou wat jy ervaar, te erken.
Emosioneel
Ten tye van rou is dit baie algemeen om baie intense en gemengde emosies te ervaar en jy voel asof jy op 'n emosionele “rollercoaster” is. Hierdie emosies kan verwarrend wees en jy kan verdwaal voel en uit voeling raak met die werklikheid.
Om emosioneel met jouself in kontak te wees is baie belangrik in moeilike tye, want dit kan jou in staat stel om jou emosies behoorlik na vore te bring en te verstaan waarom jy voel soos jy voel. Jy kan dit doen deur die emosies wat jy ervaar uit te skryf in ‘n joernaal, sodat jy jou emosies kan analiseer en patrone of tendense kan vind.
Nog 'n nuttige manier om jou emosies vrylik te laat vloei en jou verstand en hart te verbind, is deur meditasie en diep asemhaling. Hierdie metodes sal jou help om jou emosionele toestand te stabiliseer en 'n balans te vind wanneer jy verlore voel.
Sosiaal
Sonder die vermoë om persoonlik te kommunikeer met vriende en diegene wat nie in tye van rou en hartseer by jou bly nie, kan jy baie geïsoleerd en eensaam voel, wat dan die hartseer kan vererger. Dit is baie moeilik om ondersteun te word sonder die vermoë om met mense te kommunikeer, daarom is dit belangrik om te besef dat dit normaal is om ver van die wêreld verwyder te voel.
Met die vermoë om via tegnologie te verbind en te kommunikeer, kan jy deelneem aan groepvideo-geselsies met vriende en groepboodskappe om so verbonde en ondersteun te voel. Dit kan jou help om jou verliese te verwoord sodat jy nie voel asof jy alleen deur alles gaan nie. Dikwels kan dit baie nuttig wees om te weet en te erken dat ander dieselfde dinge ondervind en net soos jy voel.
Geestelik
Een van die maniere waarop jy jouself deur moeilike tye en hartseer kan ondersteun, is om jou spiritualiteit te verstaan en te ontsluit. Om jouself in diep en intense emosies te bevind, kan vreesaanjaend wees en kan jou jaat voel asof jou gees en liggaam nie met mekaar verbind is nie.
Daar is baie maniere waarop jy op jou gees en spiritualiteit kan fokus om jou te help om tye van nood. Dit kan wees dat jy meer tyd in die natuur spandeer, nuwe asemhalingstegnieke ontdek om meer aanwesig en bedag te wees, of om geestelike boeke te lees om nuwe dinge te leer.
Ware vertroosting tydens hartseer
Het jy 'n geliefde verloor? Miskien was dit iemand wat jy nie eens geken het nie, maar dit voel steeds moeilik. Jy kan selfs rou ervaar as jy jou werk of persoonlike voorwerpe verloor, of selfs jou lewenswyse verander. Die rede maak nie saak nie, Jy lees waarskynlik hierdie artikel omdat jy rou ervaar en harteer is.
As jy treur, is dit maklik om op te tree asof niks verkeerd is nie. Dit is ook maklik om in huilend in een te stort en niks gedoen te kry nie. Albei baie geldige maniere om te rou, dus moenie jouself daaroor stenig nie. Jy het egter meer as net woorde nodig. Lees verder vir maniere om ware vertroosting te vind.
Pas jouself op
Sielkundige Chris Rothman van die Centre for Grief Recovery stel 'n paar maniere voor vir selfsorg: neem 'n strelende bad, draai jou toe in 'n warm kombers, lê in die son, doen ligte oefeninge soos joga of tai chi.
Dit is alles goeie maniere vir selfversorging, maar moenie vergeet nie om die noodsaaklike dinge te doen nie. Eet reg, oefen, slaap genoeg en sorg dat jy nie jou werk afskeep nie. As jy agterkom dat jy met een of meer van dei dinge agter raak, moet jou wergewer verstaan dat jy tyd nodig het. Jy kan ook Jou vriende en gesin vra om met noodsaaklikhede te help, soos om jou huis skoon te maak of jou kinders op te pas. Hulle kan selfs aanbied voordat jy vra!
Reik uit
Moenie jou hartseer alleen probeer hanteer nie. Dit is maklik om te doen, veral as jy nog steeds in ontkenning is, maar uiteindelik sal dit alles net vererger. Jy het positiewe energie in jou lewe nodig. Sommige van jou vriende is self deur hartseer en sal goeie raad hê. Ander sal jou opbeur en uit die huis laat kom.
So, reik uit! As jy nie lus is om te sê "Ek voel verskriklik, kan ons ‘n bietjie kuier?" nie, nooi dan net 'n vriend uit om te kom gesels. Dit is belangrik dat jy ook nie jou vriende probeer skuldig voel om jou te sien nie. Nooi net hulle teenwoordigheid in jou lewe en geniet dit. Jy kan eerlik wees oor jou hartseer as jy gemaklik voel, maar as jy net jou aandag wil laat aflei, is dit ook goed.
Doen iets waarin jy belang stel
'n Projek is dikwels 'n uitstekende manier om hartseer, trauma, depressie en meer te oorkom. As jy 'n vorm van kuns of selfs werkverwante poging aanpak waarmee jy gemaklik voel, sal dit jou uitdaag en die nodige afleiding verskaf. Jy sal ook goed voel wanneer jy die struikelblokke van die projek oorkom.
Wees net versigtig om nie toe te laat dat hierdie projek jou lewe oorheers nie. As jy 'n werkolis is, kan dit ongesond raak as jy jouself na 'n projek kanaliseer. 'n Projek wat jou selfvertroue kan verbeter, kan vir jou goed wees, maar jy moet nogsteeds jou gevoelens verwerk.
Verander jou roetine en hou daarby
Dit hou verband met selfsorg. As jy rou, is dit maklik om jou roetine te laat vaar. Jy kan ook slegte gewoontes ontwikkel, soos om elke dag na werk 'n bottel wyn uit te drink.
Jou gewoortes en roetines sal waarskynlik eers struikel en dan herstel. Moenie jouself gesel wanneer dit gebeur nie. As jou tyd en krag dit toelaat, fokus op 'n positiewe roetine.
Slaap genoeg, hou tred met jou higiëne, eet reg en beoefen selfsorg. Jy kan nog steeds daardie bottel wyn drink! Bêre dit net vir die naweek en net ‘n glas op keer.
Oorweeg rouberading
Professionele hulp word altyd aanbeveel. As jy van die items op hierdie lys te moeilik vind, of selfs as jy alles volg en steeds verlore voel, soek professionele hulp. Niemand ken hartseer soos 'n professionele sorgberader nie, en jy verdien die beste gehalte hulp wat daar is.
Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As jy dink dat jy onmiddelike hulp nodig het, kontak asseblief jou plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.