Return to site

Wil jy gemotiveerd bly? Hou ‘n joernaal aan

Dr Elizma van der Smit. Maart 2018

· Lewensvaardighede,Verstand

Dink terug aan die laaste keer wat jy regtig gemotiveerd was. Probeer onthou hoe dit jou laat voel het. Wat het toe alles deur jou kop gegaan? As jy nie kan onthou nie, is dit reg. Wees egter net gereed wanneer dit weer gebeur. As jy onthou of vind dit weer gebeur, oorweeg dit om jou gedagtes in ‘n dagboek of joernaal neer te pen.

Soms, as jy deur hierdie gedagtes in jou joernaal lees, kan dit jou dalk herinner aan hoe jy gemotiveerd geraak of gemotiveerd gebly het. As jy jou gevoelens en aksies neerskryf, kan jy net na die joernaal verwys wanneer jy dit nodig het om weer gemotiveerd te voel.

Jy kan ook positiewe bevestigings (affirmations) in jou dagboek neerskryf vir daardie dae waar jy nie so gemotiveerd voel nie. Dit kan jou help om weer die vuur van motivering weer aan te steek. Dit is wetenskaplik bewys dat positiewe bevestigings redelik effektief is om mense te help om die bal aan die rol te kry.

Oorweeg dit om 'n werklike papier joernaal te gebruik eerder as om ‘n aanlyn dagboek te registreer. Dokumente is geneig om aanlyn verlore te raak, en mense vergeet dikwels daarvan. Met 'n fisiese dagboek voor jou, sal jy dit gereeld kan raaksien. As die druk dan te erg word, kan jy eenvoudig net die joernaal oopmaak en begin lees. As jy egter voel dat jy 'n aanlyn joernaal kan laat werk, gaan gerus daarvoor.

Jy kan ook motiverende wenke en stories van ander mense in jou joernaal aanteken. Soms kom motivering uit die snaakste plekke of mense! Onthou egter om dit in jou dagboek aan te teken. Prentjies en tekeninge is ook welkom om jou te help om weer motivering te kry wanneer jy dit nodig het!

Nog 'n voordeel om 'n motiverings-joernaal by te hou is dat jy dit selfs uiteindelik in 'n boek kan omskep en verkoop! Selfhulp en motivering is 'n groot onderwerp vir beide e-boeke en kursusse. As jy dink daar is genoeg materiaal oor die onderwerp, dink weer. Mense sal boeke oor die onderwerp bly koop! Mense hou van ware stories oor motivering.

Moenie bekommerd wees oor wat jy in jou joernaal skryf nie. Die sleutel is om konsekwent daarmee vol te hou. As jy iets skryf wat nie sin maak of dom is nie, ignoreer dit bloot of verwyder dit uit jou joernaal.

Hierdie blog plasing is slegs ter inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op enige spesifieke vrae of kommentaar lewer op persoonlike situasies, toepaslike diagnose of behandeling nie, of andersinds kliniese opinies lewer nie. As u dink dat u onmiddelike hulp nodig het, kontak asseblief u plaaslike dokter/ sielkundige/ psigiater of die SADAG Geestesgesondheids Hulplyn op 011 234 4837. Indien nodig, kontak asseblief die Selfmoordkrisislyn by 0800 567 567 of sms 31393.

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly

Hierdie blog plasing is slegs vir inligting. Dit moet nie as terapie beskou word nie. Hierdie blog is slegs vir inligting en opvoedkundige doeleindes en moet nie as terapie of enige vorm van behandeling beskou word nie. Ons kan nie reageer op spesifieke vrae of kommentaar oor persoonlike situasies, toepaslike diagnose of behandeling nie, of andersins enige kliniese opinies verskaf nie. As u dink dat u onmiddellike hulp benodig, skakel u plaaslike dokter / sielkundige of psigiater of die SADAG Geestesgesondheidslyn by 011 234 4837. Indien nodig, skakel asseblief die Selfmoordkrisislyn by 0800 567 567 of sms 31393.